Plentzia Telebistak grabatutako bideoa. Eskerrrik asko Ptb!
2018(e)ko urriaren 28(a), igandea
Anton Garaiko: Azken perediküa
Zuberoako pastoraletako bukaerako kantuari "Azken perediküa" esaten zaio, eta horren bitartez ikuslegoari eskerrak ematen zaizkio. Bideo honetan Peru de Pedrok azken perediküa kantantzen du:
Anton Garaiko: Lehen perediküa
Zuberoako pastoraletako hasierako kantuari "Lehen perediküa" esaten zaio. Kantu horren bitartez ikuslegoa agurtzeaz gain, obraren nondik norakoak gain-gainetik azaltzen dira.
"Anton Garaiko kortsarioaren historia" antzezlanaren idazleak, Jokin de Pedrok, lehen perediküa kantantzen du bideo honetan:
"Anton Garaiko kortsarioaren historia" antzezlanaren idazleak, Jokin de Pedrok, lehen perediküa kantantzen du bideo honetan:
2018(e)ko urriaren 27(a), larunbata
Antonen bertso jarriak Gorlizen
ANTON GARAIKOAREN BERTSOAK, TRIPULAZIOARI JARRIAK
Egilea: Iñaki Ortigosa (Anton helduaroan)
Doinua: Kapitan Pilotu
1.
Joskileen kuadrilla,
langile prestuak
egoki eta polito
jantzi gaituztenak,
musikari fin denak,
Lirain abesbatza:
Eskifaia haundi honekin
garaile irten gara! Guztiok:
Hau
da gure eskifaia! Hau da gure eskifaia !
Honi
zor zaio errespetua! Errespetua !
Hau
da gure eskifaia! Hau da gure eskifaia !
Gorde
egiozue errespetua! Errespetua !
Horrela
zenbait antzezlan... Bonbilun bonbilun behera !
Geroan
ere egin ahalko da! Bonbilun bat eta bonbilun bi !!
Agur eta ohore lantaldeari !!
2.
Nabigazio luzea
burutu duguna,
hamaika entsegu eta
lan eta ahaleginak !
Itsaso harro batean
hori ausardia!
Altxor eder batekin
etxeratzen gara!! Guztiok:
Hau
da balentria haundia! Hau da balentria haundia !
Elkarrekin
egin duguna! Egin duguna !
Hau
da balentria haundia! Hau da balentria haundia !
Elkarrekin
egin duguna! Egin duguna !
Honelako
gogo-ekimenez... Bonbilun bonbilun behera !
Iraungo
ahal dugu zenbait urtez! Bonbilun bat eta bonbilun bi !!
Zorionak emaizkiogu elkarri!!
2018(e)ko urriaren 26(a), ostirala
2018(e)ko urriaren 25(a), osteguna
Hitzordua: Gorlizko entsegu orokorra
Bihar Gorlizen dena egingo dugu, entsegu orokorra eta emanaldia bera. Hauxe dugu hitzordua, lan handia dagoelako garaiz iritsi:
- Urriaren 26an, ostirala.
- Arratsaldeko 5etan.
- Gorlizko Eleiz Enparantzan.
- Aktoreak eta figuranteak.
2018(e)ko urriaren 23(a), asteartea
ADI! Gorlizko emanaldian aldaketak
Eguraldi txarra datorrelako Gorlizko emanaldia aurreratzea erabaki dugu. Egun eta ordu berria hau izango da:
- Urriaren 26an, ostirala.
- Arratsaldeko 8:30etan.
- Gorlizko Eleiz Enparantzan.
2018(e)ko urriaren 22(a), astelehena
2018-10-22, Onda Vasca
Onda Vasca irratian Jaio de la Puerta gure lagunak eskerrak ematen.
Elkarrizketa entzuteko irudiaren gainean klikatu edo hemen klik egin.
2018(e)ko urriaren 21(a), igandea
2018(e)ko urriaren 20(a), larunbata
Antonen bertso jarriak Plentzian
ANTON GARAIKOAREN BERTSOAK, KAPITAINEI JARRIAK
Egilea: Iñaki Ortigosa (Anton helduaroan)
Doinua: Kapitan Pilotu
1.
Gorliz-Plentzian badugu
letragile fin bat
itzulpenak, bertsoak,
ikerketa lanak,
antzerki pieza ederrak
ontzen dituena:
idazle nekaezina
da Jokin gurea. Guztiok:
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Horrela
zenbait istorio... Bonbilun bonbilun behera !
Buruan
sortuko zaio! Bonbilun bat eta bonbilun bi !!
Men
egin diezaiogun Jokini !!
2.
Herri honetan bertan
batetik bestera
antzerki, telebistan...
Alex dabil saltsan:
kaosaren erdian
lasai dagoela
okerra den guztia
zuzentzen trebea. Guztiok:
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Horrela
zenbait zuzenketa... Bonbilun bonbilun behera !
Buruan
sortuko zaio eta! Bonbilun bat eta bonbilun bi !!
Men egin diezaiogun Alexi !!
3.
Kulturgintza inoiz bada
gure herriotan
kulturgile sendoei
esker izango da:
musikari, irakasle,
etsitzeko ezinez
horretan dugu Iñaki
beti ekiteko prest Guztiok:
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Hau
da kapitan pilotu! Hau da kapitan pilotu !
Honi
behar zaio obeditu! Obeditu !
Horrela
zenbait kontzertu... Bonbilun bonbilun behera !
Buruan
ahalko zaio sortu! Bonbilun
bat eta bonbilun bi !!
Men egin diezaiogun Iñakiri
!!
2018(e)ko urriaren 19(a), ostirala
2018(e)ko urriaren 18(a), osteguna
2018-10-18, Prestakizunak aurrera doaz
Gaur 18, harmailak muntatzeko ahalegin handia egin dugu eta itsasontzia plazara heldu da.
Anton Garaiko kortsarioaren "La Trinidad" ontzia lehorreratzen.
2018-10-18, Bizkaia Irratia
Bizkaia Irratiak elkarrizketa egin dio Jokin de Pedro idazleari.
Elkarrizketa entzuteko irudiaren gainean klik egin.
2018(e)ko urriaren 17(a), asteazkena
2018(e)ko urriaren 16(a), asteartea
2018-10-15, Onda Vasca
Onda Vasca irratiko Euskadi Hoy programan elkarrizketa egin diete Jaio de la Puerta, Jokin de Pedro eta Alex Ygartuari.
Elkarrizketa entzuteko irudiaren gainean klikatu edo hemen klik egin.
Jantziak prest!
Jantziak lortzeko ahalegin handia egin da. Hementxe jantzien lantaldearen partaideak:
- Gotzone Butron (koordinazioa)
- Estitxu Garaizar
- Inma Galindez
- Ana Larrea
- Charito Uribarri (patronista)
- Manu Moreno
- Jaio de la Puerta
- Amaia Garagorri
- Adelaida Umaran
- Miren Bilbao
Irudiak handiago ikusteko irudien gainean klik egin.
Denboraren tunela!
Antzerkiaren magiari esker hementxe ditugu bi Anton Garaiko: ezkerrekoa helduarokoa eta eskubikoa gaztarokoa:
2018(e)ko urriaren 15(a), astelehena
Hiruka aldizkariaren 137. zenbakia
Hiruka aldiazkariaren 137. zenbakian elkarrizketa hau egin diote Alex Ygartua zuzendariari.
Hirukaren web gunean irakurtzeko hemen klik egin. Bestela, Hiruka aldizkariaren 137. zenbakira jo eta 10. orrialdean aurkituko duzu.
2018(e)ko urriaren 14(a), igandea
2018(e)ko urriaren 11(a), osteguna
Euskaraldia gurekin, gu Eskaraldiarekin
Norbanakoak
bere paperetik (batzuek, Ahobizi, eta besteek, Belarriprest) egun osoko
entsaioa egin eta Euskaraldian bertan (azaroak 23/abenduak 3) biziko
ditugun egoerak aurretik sentitzeko aukera antolatu nahi dugu. Gozatzeko
eguna izatea espero dugu. Honetarako, aitzakia batzuk antolatu ditugu,
euskaraz eta euskaratik bizi ahal izateko.
Goizez zure pegatina hartu eta guztion artean Euskaraldia txiki bat eraiki dezagun!
2018(e)ko urriaren 7(a), igandea
2018(e)ko urriaren 5(a), ostirala
2018-10-05, El Correo
El Correo egunkariaren gaurko alean Alex Ygartua zuzendariari egindako elkarrizketa hau argitaratu dute:
2018(e)ko urriaren 2(a), asteartea
2018(e)ko irailaren 24(a), astelehena
Egutegiak
Paper nagusiak dituzten aktore eta aktoresa guztiekin (elenkoarekin) eszenak lantzen ibili gara azken igandeetan eta gauzak ondo doazela esan dezakegu, hemen ikus daiteke elenkoaren egutegia:
Bestalde, hauxe da figuranteekin erabiliko dugun egutegia:
Edozein kasutan ere, figurantea izan arren, elenkoaren entseguak ikusi nahi badituzu, zatoz Gaztetxera eta ongi etorria izango zara.
Bestalde, hauxe da figuranteekin erabiliko dugun egutegia:
Edozein kasutan ere, figurantea izan arren, elenkoaren entseguak ikusi nahi badituzu, zatoz Gaztetxera eta ongi etorria izango zara.
2018(e)ko uztailaren 27(a), ostirala
"Plasentzia 1577" liburua
Plasentzia 1577 liburua
| |||
Iaz antzeztu genuen obra argitaratzea lortu dugu eta oso liburu apaina geratu da. Merke jarri dugu eta 8,50 eurotan lor dezakezu (interesik baduzu mezu bat idatzi plasentzia1577@gmail.com helbidera edo antongarai1509@gmail.com helbidera). |
2018(e)ko ekainaren 21(a), osteguna
2018-06-21 | Lehen fasea bukatuta
Antzerkikide hori:
Udaren atarian gaudelarik, ANTON GARAIKO gure proiektuaren egoeraz eta osasunaz informazio orokorra ematera gatoz:
Eskerrak eta zorionak aktoreei egiten zabiltzaten ahaleginagatik. Momentuz eten egingo ditugu entseguak eta irailaren 9an, igandez, jarraituko dugu. Lasai, data hori baino lehen mezu bat helaraziko dizuegu. Bien bitartean, zalantzarik edukiz gero edo ekarpenen bat egin gura baduzu, jarri harremanetan gurekin.
Mila esker hor jarraitzeagatik eta uda ona pasa!
Iñaki, Alex, Jokin eta Jesus
Estimadas y estimados:
Hoy precisamente nos encontarmos a la puerta del verano, a continuación queremos informarte sobre la marcha del proyecto ANTON GARAIKO que nos une:
Queremos aprovechar esta ocasión para agradecer y felicitar a las actrices y los actores por su compromiso. De momento, en lo que a ensayos se refiere nos tomaremos un descanso y el 9 de septiembre (domingo) retomaremos los ensayos. Antes de esa fecha te haremos llegar un aviso. Mientras tanto, si te surge alguna duda o tienes algo que aportar ponte en contacto con nosotros.
Muchas gracias por seguir ahí y que tengas un buen verano.
Iñaki, Alex, Jokin y Jesus
Udaren atarian gaudelarik, ANTON GARAIKO gure proiektuaren egoeraz eta osasunaz informazio orokorra ematera gatoz:
- Testua eta eszena: maiatzean eta ekainean testudun aktoreek entsaiatzen jardun dute Jokinekin eta Alexekin, hurrenez hurren. Asistentzien arazo puntualak gora-behera, oro har aurrerapen nabarmenak egin ditugu eta irailera begira soroa landurik gelditu da, oporren bueltan lur gozo horretan landare ederra alda dezagun. Hori zen helburua. Figurazio-taldean baldin bazaude, egon lasai, zurekin irailean hasiko gara lanean eta arlo hori ere ondo landu nahi dugu aurtengoan.
- Jantziak: Gotzonek eta Estik zuzendurik, talde bat lanean dabil aspalditik. Aurten jantzien diseinua, estiloa... irizpide baten arabera egingo da, eta horretan ari dira: ereduak ikusten, informazioa biltzen, oihalak batzen eta erosten... Josteko unea heltzen denean, baliteke laguntzaile gehiago eskatzea.
- Eszena jartzea eta attrezzoa: Jesus Serranoren eskuetan dago agerraldi guztietarako diseinua eta eraikitze-lanak egitea, Alex zuzendariaren proposamenei lotuz.
- Soinu-argiztapenak: ARTAZI taldeko profesionalekin ere egin ditugu lehen kontaktuak eta, iaz bezala, aurten ere arlo garrantzisu hori euren eskuetan egongo da.
- Musika: Iñaki Lagosen koordinazioarekin, pieza musikalak aukeratu eta egokitu dira. Musikariek eta Gorlizeko LIRAIN abesbatzak partiturak badituzte, eta irailean hasiko dira entseguetan, aurten pisu nabarmena izango duen alderdi musikala distiratsua izan dadin.
Eskerrak eta zorionak aktoreei egiten zabiltzaten ahaleginagatik. Momentuz eten egingo ditugu entseguak eta irailaren 9an, igandez, jarraituko dugu. Lasai, data hori baino lehen mezu bat helaraziko dizuegu. Bien bitartean, zalantzarik edukiz gero edo ekarpenen bat egin gura baduzu, jarri harremanetan gurekin.
Mila esker hor jarraitzeagatik eta uda ona pasa!
Iñaki, Alex, Jokin eta Jesus
Estimadas y estimados:
Hoy precisamente nos encontarmos a la puerta del verano, a continuación queremos informarte sobre la marcha del proyecto ANTON GARAIKO que nos une:
- Texto y escenas: durante mayo con Jokin y durante junio con Alex, las actrices y los actores que cuentan con texto han venido ensayando. Incluso considerando las ausencias puntuales que se han dado, se puede afirmar que los avances logrados han sido notables y por tanto cuando retomemos la actividad en septiembre gran parte del camino ya estará recorrido. Ése era el objetivo de la primera fase. Si tú te encuentras en el grupo de las personas figurantes, tranquilidad, los trabajos contigo comenzarán en septiembre y todo será muy fácil porque encontrarás que la obra ya cuenta con un grado de madurez considerable.
- Vestuario: bajo la dirección de Gotzone y de Esti, se ha conformado un grupo que lleva ya tiempo reuniéndose y trabajando el tema del vestuario. Este año el vestuario va a ser específico para la obra y seguirá un determinado criterio en lo que respecta al diseño y el estilo. Hasta el momento se han analizado modelos, se ha recabado información, se han recolectado telas... Cuando llegue el momento de coser es posible que necesitemos ayuda, lo comunicaremos.
- Escenografía y atrezzo: esta faceta está siendo desarrollada por Jesus Serrano en coordinación con Alex.
- Sonido e iluminación: es un aspecto importante y hemos contactado con ARTAZI (los técnicos del año pasado), con la experiencia acumulada confiamos en que todo irá bien.
- Música: Iñaki Lagos se está encargando de la coordinación musical. Las piezas musicales ya se han elegido y adaptado, los músicos y el coro LIRAIN de Górliz disponen de las partituras y los ensayos conjuntos comenzarán en septiembre. Estamos seguros de que este año la parte musical va a cobrar una gran importancia y que tendrá un brillo propio.
Queremos aprovechar esta ocasión para agradecer y felicitar a las actrices y los actores por su compromiso. De momento, en lo que a ensayos se refiere nos tomaremos un descanso y el 9 de septiembre (domingo) retomaremos los ensayos. Antes de esa fecha te haremos llegar un aviso. Mientras tanto, si te surge alguna duda o tienes algo que aportar ponte en contacto con nosotros.
Muchas gracias por seguir ahí y que tengas un buen verano.
Iñaki, Alex, Jokin y Jesus
2018(e)ko apirilaren 19(a), osteguna
2018-04-22 | Lehen lan saioa prestatzen
Lanak aurrera doaz!
Lehen entsegua datorren igandean izango dugu:
Zu etortzea besterik ez da falta.
Lehen entsegua datorren igandean izango dugu:
- Apirilaren 22an
- Goizeko 11:00etan
- Goñi Portal kultura-etxean
Zu etortzea besterik ez da falta.
2018(e)ko martxoaren 22(a), osteguna
Hiruka aldizkariaren 121. zenbakia
Hiruka aldiazkariaren 121. zenbakian elkarrizketa hau egin diote Jokin de Pedro idazleari.
Elkarrizketa irakurtzeko hemen klik egin eta 10. orrialdean aurkituko duzu. Hiruka aldiazkariaren 121. zenbakia gordetzeko hemen klik egin.
Elkarrizketa irakurtzeko hemen klik egin eta 10. orrialdean aurkituko duzu. Hiruka aldiazkariaren 121. zenbakia gordetzeko hemen klik egin.
2018(e)ko martxoaren 17(a), larunbata
2018-03-17 | Atzoko bileraren akta
ANTON GARAIKO antzezlan-proiektuaren aurkezpen bilera
2018ko martxoaren 16a, PIEn egina
Ongietorria
emandakoan, proiektuaren bultzatzaileek bileran jarraitzekoa zen
gai-ordena aipatu zuten, honako gidoi hau erakutsiz eta dokumentu hau erabiliz:
1. Ongietorria2. Aurrekariak3. Aurtengo obraren abiapuntua4. Anton Garaiko antzezlanaren ezaugarriak5. Arduradunak, ekoizpena eta laguntzaileak6. Egutegia7. Parte hartzeko izen-ematea
AURREKARIAK
2017ko
urrian Plentzian jokatu zen PLASENTZIA 1577 antzerki eta musika
ikuskizunaren ardatz nagusiak azaldu dira, eta bai orduan izandako
harrera onak eman zigun bultzada eta adorea aurten berriz ere antzeko
proiektu batean sartzeko.
AURTENGO OBRAREN ABIAPUNTUA
Plentziako
museoan zegoen fotograma batetik abiatuz, non Anton Garairen
dokumentazioa zegoen, ikerkuntza lan bat egin da 1509. urtean izan zen
auziko informazio guztia eskuratzeko. Jaio de la Puertari esker lortu da
Bizkaiko Diputazioak dirulaguntza berezi bat ematea eskuizkribu luze
hura oso-osorik transkribatu ahal izateko.
Lehen
eskuko informazio hori izan da idazlea, Jokin de Pedro, nolabait
inspiratu duena gorliztar pertsonaia haren gainean fikziozko historia
bat sortzeko, baina sustrai historiko sendoak dituena. Idazleak argi
utzi nahi izan du berak gerta zitekeenaren interpretazio bat egin duela.
ANTON GARAIKO OBRAREN EZAUGARRIAK
Historia
eta fikzioa bat egiten diren antzezlana dugu, orain 500 urteko gizarte
itsastarrera garamatzana. Musika ez da faltako aurten ere, nahiz eta
eszenan askoz gutxiago kantatuko den; sarrerak eta trantsizioak garaiko
doinuen bitartez girotuko dira, gure musikarien eta Lirain abesbatzaren
bitartez, denak Iñaki Lagosen koordinazio eta zuzendaritzapean. Gure
plazak erabiliko dira (Plentziakoa eta Gorlizekoa), nolabaiteko
eszenatoki naturalak bezala.
Herri
antzerkiaren ezaugarriak azpimarratu dira: parte-hartze librea, irekia
izatea, eta gehienbat gure herrian —herrietan, hobe— ditugun
giza-baliabideak ustiatzea, inori aterik ixten ez bazaio ere.
Plentziako
eta Gorlizeko udalen laguntza ere aipatu da. Horri esker emanaldi bi
izango dira aurten; bestalde, ikuskizunak sortzen dituen gastuei aurre
egiteko ezinbestekoa da diru-laguntza hori. Bi udalek jarrera baikor eta
adeitsuz hartu dute gure proiektua, herri bientzat onuragarria izango
delako ustean.
Euskera motari dagokionez, bizkaiera landu edo batu batez idatzia da, Uribekostako esamolde eta lexikoari txera berezia eginez.
ARDURADUNAK ETA LAGUNTZAILEAK
- Ekoizpena: KEA kultur elkartea
- Testua: Jokin de Pedro
- Zuzendari artistikoa: Álex Ygartua
- Musika zuzendaria: Iñaki Lagos
- Komunikazio arduraduna: Jesus Romo
- Eszenografia: Jesus Serrano
- Jantziak: Gotzone Butron eta Esti Garaizar
- Mugimendu eszenikoa: Zuria Bolaños
- Testuen maketazioa: Jaio de la Puerta
- Laguntzaileak: Gorliz eta Plentziako udalak
EGUTEGIA
- Aurkezpena jendaurrean: martxoaren 16an PIEn
- Testu osoa blogean eskegi: martxoaren 17an
- Izena emateko eta elenkoa osatzeko epea (oraindik zabalik)
- Lehen entsegua testua duten aktoreekin: apirilaren 22an, igandez, goizeko 11:00etan Goñi Portalen:
- Elenkoa osatu
- Lehen testu-irakurketa egin
- Entseguen datak finkatu
- Udan entsegurik ez
- Irailaren 9an entseguen jarraipena
- Entsegu orokorra: urriaren 19an Plentzian
- Lehen emanaldia: urriaren 20an, Plentziako eliz plazan
- Bigarren emanaldia: urriaren 27an, Gorlizeko eliz plazan
IZEN-EMATEA
Iaz parte hartu zutenek ez dute berriro izenik eman behar; baja eman dezakete, hori bai. Berriek gure blog honetan eman dezakete izena, bertako formularioa betez:
ETXEKOLANA
Amaitu aurretik guztiontzat etxekolan bat jarri genuen, galdera honi erantzuten dion etxeko lana: 2018ko proiektuan zure burua non kokatzen duzu? Aktore lanetan ibili nahi baduzu, obra ezaguna behar duzu jakiteko zer paper egokitzen zaizun. Obra eskuratzeko, zoaz glogeko Idazlana fitxara
eta bertan aurkituko duzu testua, testuarekin batera erderazko
sinopsiak idatzi ditugu ere zenbaitentzat lagungarriak izan
daitezkeelakoan. Irudi honek adierazten dizu etxekolana egiteko
baliabideak non dauden:
Beste barik, eta bertaratu diren guztiei eskerrak emanez, amaia eman zaio aurkezpen bilerari.
2018(e)ko otsailaren 26(a), astelehena
2018(e)ko otsailaren 25(a), igandea
Harpidetu honetara:
Mezuak (Atom)